BENVIDOS-AS A 1ºA

Comezou un novo curso cheo de ilusións, libros novos e, se cadra, lembranzas dun verán que, ás veces, non quere marchar dos nosos recordos. Estes primeiros días estivemos a facer fichas de repaso dos números e das letras que xa aprenderan o curso pasado. A última hora desfrutamos da pizarra dixital interactuando con ela mediante xogos e cancións ou vendo e escoitando algún conto axeitado a súa idade. O vindeiro luns, día 23, teremos a reunión xeral ás catro da tarde. En principio estaba prevista para as cinco mais, a causa dunha visita médica imposible de cambiar, tivo que ser adiantada para as catro. Grazas de antemán. Os vosos fillos e fillas foron traballando bastante ben. Os rapaces e rapazas que non rematen algunha ficha levarana para a casa para que as fagan este fin de semana e poidan seguir así o ritmo da clase, De todos os xeitos se algún pai ou nai prefire que non as rematen non teñen por que facelo. A miña única intención é que o curso se desenrole do mellor xeito posible, o meu principal obxectivo: que os seus fillos-as sexan felices mentres aprenden. Non lles parecería un bo obxectivo para todos nós?