GRANDES CAMIÑANTES

Parece mentira que xa levemos máis dun mes de curso. Pasan os días ás presas como se fosen perseguidos por alguén e, mentres pasan, os seus fillos e fillas van adaptándose a este novo curso. Traballan diariamente nas libretas facendo pequenas adiviñas ou copias que adornan cun debuxo. Van traballando tamén cos libros de texto e, a modiño, como camiñan os caracois, van aprendendo conceptos novos e novas destrezas. Cando queiramos darnos conta os seus pasos, agora máis lentos, terán collido moita máis velocidade para percorrer o camiño diario que é a aprendizaxe. Teño grandes camiñantes na miña aula.